Home » Gastro » Bouneschlupp mat gereechertem Tofu

Bouneschlupp mat gereechertem Tofu

Bouneschlupp_FullRes-Kopie

Dat brauch Dir

500 g gréng Bounen
300 g Gromperen (geschielt)
2 Staangen Zellerie
1 Muert
1 Zwiwwel
100 g gereecherten Tofu
1 Iessläffel Ueleg
1 Handvoll frësche Péiterséileg
2 Téiläffel Bounekraitchen
1 Lorberblat
1 l Britt
1 Iessläffel Sojaram
Salz a Peffer

Esou maach Dir et

D’Geméis botzen. D’Boune jee no Gréisst an zwee oder dräi schneiden. Se sollen duerno gutt op en Iessläffel passen. Och d’Gromperen, den Zellerie an d’Muert a kleng Wierfelen schneiden. Den Ueleg an engem groussen Dëppen ophëtzen. Den Tofu a Sträife schneiden a schaarf ubroden. En dann aus dem Dëppen eraus huelen an op d’Säit setzen. D’Zwiwwel mam Zellerie an der Muert am nämmlechten Dëppen ubroden. D’Bounekraitchen an d’Bounen derbäi ginn a kuerz erhëtzen. Mat der Britt läschen an d’Gromperen an d’Lorberblat derbäi ginn. Kache loosse bis datt d’Geméis mëll ass. Mat frëschem Péiterséileg, Salz a Peffer ofschmaachen. Virum Zerwéieren d’Lorberblat nees eraus huelen, e Läffel Sojaram derbäi ginn a mam Tofu garnéieren.

Zesummegestallt vum: Cheryl Cadamuro // Fotoen: Privat-Archiv Sven Muhlen

Sven Muhlen

Léiwen si Fleeschfrësser? Als grénge Léiw weisen ech, de Sven, genau de Contraire! Bei mir komme just Planzen op den Teller – an ech schwätzen hei net vun enger langweileger Zalot. Op mengem Blog erliewen ech déi lëtzebuergesch an international Kichen op eng aner Aart a Weis: komplett vegan an esou lecker datt engem d'Waasser am Mond zesumme leeft.

Author: Philippe Reuter

Login

Lost your password?